فخامة الرئيس جوزيف عون...
رح أحكيك كلمتين هيك، مباشرة بدون رسائل مبطنة:
رئيس بوجهين ما بدنا.
استجداء من الخارج ما بدنا.
تراخي مع العدو ما بدنا.
اسـمـع جـنـرال...
نحنا ولا مرة قاومنا لان منحب القتال ، انما لان ما كان فيه دولة تحمينا، لا بل كانت تتماهى مع العدو.
لما بدك تعرّض كتافك، عرّضهم عن جد مش بالحكي.
ويللي عن جد بيهمه سيادة وتحرير البلد ، اول شي بيحترم الدم يللي سقط في سبيل هالبلد، وما بيوقف بوجهه ولا بوجه من ساعده.
ما عم نقلك ما تفتح علاقات خارجية، بس، ما منقبل تكون ذليل.
رئـيـس ذلـيـل مـا بـدنـا...
ما فيك تحكي عن التحرير وكأن اللبناني هو يللي افترى على اسرائيل.
بدك تحترم يللي قاتل ويللي دافع وتفتخر فيهم.
شهداء الجيش والمقاومة يللي سقطوا بهالحرب هني فخر لبنان.
رئيس بيخجل يفتخر فيهم ما بدنا.
ما بدنا ياك تكرر تجربة أمين الجميل، بتكون عم تآخذ البلد على الخراب، وبتكون ما بتستفيد من التجربة.
رئيس بياخد البلد عالانبطاح لاسرائيل و١٧ أيار جديد ما بدنا.
رئيس بيعلن انه على الحياد وهوي فقط منحاز لاميركا واتباعها ما بدنا.
بدك تكون رئيس بتمثل اطياف الشعب اللبناني ، نحنا معك.
اما رئيس كل بيضه بسلة خارجية ما بدنا.
ما عم نطلب منك شي خارج الدستور، إذا مش قادر، قول، اعترف، حتى نعرف وين ممكن تروح البلد.
