هل تستطيع الحكومة ان تتراجع عن قرارها تعيين غراسيا القزي ؟
هيدا بالزمانات، بال٩٧ تعين مدير للجمارك شخص اسمه شامل بولس ، كان معاون مدير اقليم بيروت . المهم طلع قرار تعيينه من مجلس الوزراء ، وصدر مرسوم تعيينه بشهر ١٢ من العام نفسه ! وقتها اكتشف الرئيس إلياس الهراوي انو بولس طالع فيه قرار تأخير تدرج من التفتيش المركزي على خلفية قضية فساد . بقوم الهراوي بيبعت مين يجيب مرسوم التعيين قبل ما يوصل على مديرية الجمارك ، بيخزق المرسوم وبيرجع مجلس الوزراء بعين مدير للجمارك يدعى إيلي عساف وكان يعمل مستشارا في القصر ، وجرى ذلك من خلال نقله من القصر إلى الجمارك ! واستمر بمركزه لحين وصول إميل لحود الذي وضعه بالتصرف وعين مكانه اسعد غانم .
هل فيها الحكومة الحالية تعمل هيك ؟! ايه فيها . بس مش رح تعمل هيك لان الرئيس جوزاف عون لما طلبها بالاسم لغراسيا القزي كان بيعرف تماما شو ملفاتها ، ورئيس الحكومة لما وافق على تعيينها بجلسة بالسراي كان يعي جيدا شو ملفاتها . وكلاهما كان مدرك ان الجماهير لن تحاصر السراي بسبب قرارهما .
